Month: January 2026

Հունվարի 23-ին այցելեցինք ժողովրդական արվեստի թանգարան,այն ամենահին թանգարանն է Հայաստանում։

Այնտեղ մեզ դիմավորեց Գրիշա պապիկը,և սկսեց պատմել թանգարանի մասին։
Մենք տեսանք շատ հին գորգեր և կարպետներ։ Գորգ գործելու սարք ենք տեսել, կավից պատրաստված հին կժեր և կարասներ։Թանգարանում ամեն ինչ շատ հետաքրքիր էր և հին էր։

Պապիկը մեզ շատ մանրամասն պատմեց և ներկայացրեց , թե ինչպես են զգես կարել հին ժամանակներում։ Այնտեղ կային նաև հին սպասք ՝ աղամաններ։Տեսանք նաև հին պայուսակներ։ Մի խոսքով շատ հետաքրքիր ճամփորդություն էր։

2023թ, երբ ընդունվեցի Մխիթար Սեբաստացի կրթահամալիր , ընդհանրապես համակարգչից չէի կարողանում օգտվել։Բայց այս երեք տարիների ընթացքում ընկեր Սրբուհու շնորհիվ ձեռք եմ բերել մի շարք մեդիահմտություններ։

Բավականին լավ տիրապետում եմ Word ծրագրին, կարողանում եմ մուտքագրել տեքստ հայերեն, անգլերեն և ռուսերե լեզուներով, փոխել տառաչափը, գունավորել տեքստը, մուտքագրել մաթեմատիկական վարժություններ։Կարողանում եմ word ֆայլը պահպանել համակարգչում։

Paint ծրագրով նկարում եմ տարբեր նկարներ, երկրաչափական պատկերներ։Ես նույնիսկ փոքր եղբորս եմ սովորեցրել Paint ծրագիրը։

PowerPoint ծրագրի միջոցով  , բայց մայրիկիս օգնությամբ , պատրաստում եմ սլայդեր։

Ունեմ իմ անհատական ուսումնական բլոգը և էլեկտրոնային հասցեն։Բլոգում տեղադրում եմ պատումներ, նկարներ, և ֆայլեր։ Էլ․ հասցեով ուղարկում եմ նամակներ, կարդում եմ ընկեր Սրբուհու ուղարկած նամակները։

Ճամբարի ընթացքում սովորել եմ նաև ինչպես ստեղծել QR կոդ։

Հունվարի 22-ին մեր ջոկատը՝ ընկեր Սրբուհու գլխավորությամբ, այցելեցինք Ջրվեժի անտառապուրակ։

Այ այնտեղ շաաաա՜տ ձյուն կար։ Անտառի բարձր եղևնիները և ծառերը ամբողջությամբ պատվել էին ձնով։ Ընկերներիս հետ մի անգամից անցանք ձնագնդիկ խաղալու։

Իսկ սահնակներով սահելը մի այլ հաճույք է։ Սահեցինք , ընկանք, ուրախացանք, թրջվեցինք, բայց չնեղվեցինք։
Քանի որ եղանակը բավականին ցուրտ էր, ես տաք թեյ էի վերցրել,խաղալուց և սահելուց հետո, խմեցինք տաք թեյը, նախաճաշեցինք և բարձր տարամադրությամբ վերադարձանք դպրոց։ Այս ճամփորդությունը ես դռե երկար ժամանակ կհիշեմ։

1․ Ձյունը ոչ այլ ինչ է, քան սառած ջուր: 

2. Գիտե՞ք արդյոք, թե ինչու է ձյունը սպիտակ: Այն բաղկացած է օդից, իսկ լույսը, որն ընկնում է ձյան փաթիլների վրա, ցրվում է հնարավոր բոլոր ուղղություններով:

3. Չկան ձյան միանման 2 փաթիլներ, իսկ ահա հավասարաչափ փաթիլներ կարողացել են գտնել: 

4. Սովորական ձյան փաթիլի չափը 5 մմ է, բայց ԱՄՆ-ում հայտնաբերվել է «ամենամեծը»` 38 սմ:

5. Գիտե՞ք, թե ինչու է ձյունը ճռճռում, հատկապես սաստիկ  սառնամանիքին: Ձյունիկները կոտրվում են եւ շփվում միմյանց հետ: Այսպիսի եղանակով է ստացվում «ճռճռոցի» էֆեկտը:

6. Դուք կարծում եք, որ ձյունը կարող է միայն սպիտա՞կ լինել: Իհարկե ո՛չ: Սեւ, կանաչ, նարնջագույն, ահա այսպիսի գունային երանգներով էին լցվել Միացյալ Նահանգների (1955թ.), Ռուսաստանի (2007թ.) եւ Շվեյցարիայի (1969թ.)  փողոցները: 

7. Սահարա անապատը ձյուն «տեսել է» 1979 թվականին՝ առաջին եւ վերջին անգամ:

8. Երբեւէ մտածե՞լ եք, թե տարվա կտրվածքով որտեղ է ամենաշատը ձյուն տեղում: Դա Բեյքեր լեռն է, որը գտնվում է Վաշինգտոնում: Համաշխարհային ռեկորդն այստեղ է գրանցվել 1998-1999 թվականներին տեղացած 2850 սմ ձյան շնորհիվ: